السلام عليكم ؟
شلونكم زوجات ثانيات شخباركم شعلومكم
انشالله تزقحون وتنطحون ؟
الله ياجعله ؟
>
<
>
اليوم راح احط لكم تجربتي للعنايه بشرتي وشعري وحتى ايام الدوره < يعني الموضوع بتاااع كلووو ؟
بالله ماتعبتوا وانتم تجربون الخلطاات انا عن نفسي مليت مليت مليت
ماخليت شي بثلاجتنا لا هرده لا ماينيز لا كاتشب
حتى امي قامت بالشهر تجيل للبيت مرتين مره حق خلطاتي ومره حق عيشتنا ياربي دخيلك < اوف اوف اوف
وغير محاظرات امي لي كل يوم شافتني بالمطبخ اخبص .
(( يالرفله الزين غسال ايدين ))
بس يايمه ( البياض عمات عين ) ههههههههه
وخلاص قررت اني ماعاد اسمع كلام احد اني اسوي جدولي نفسي بنفسي
هالبنات راعيات الخلطات شلون ضبطوا نفسهم ماغير خلط في خلط ؟
واللي روعني اكثر كلام وحده من اخصائيات التجميل تقول كثره خلط الزيوت واستخدام الخلطات المصنعه بالبيت تجيب البرص
انا تروعت الصراحه وقلت ياعمي خلاص انا بضبط نفسي واصير مره جيده
ويي اسم الله علي اجنن هههههه << يالله برى بس
وطقت براسي اسوي لي جدول وان فاد معاي حطيته حق حبيباتي بنات الكويت < وربي ماحطيته وتعبت وانا احمل وانزل الصور إلا اني صج شفت من وراه الخير
ويقولك : لا أشتهت ام العيال ابشر بالعشاا
بس لا تخافون موضوعنا هذا مافيه لا عشا ولا ريوق ولا بطيخ
فيه بياض ولمعه ونعومه وصفاء وسهير وكل المزايين ههههههه
بس ادري لاعت جبدكم من هذرتي بس استحملوني ان كان ودكم بالزين
نجي عند العناايه بالبشره وانا عنايتي بالبشره تنقسم على 3 مراحل ؟
& المرحله الاولى & < ماقبل النوم
& المرحله الثانيه & > لا قمت من النوم
& المرحله الثالثه & < السبوح الكبير << شعنده عبدعال هههه
المهم نجي للاهم ؟
* المرحله الاولى *
شات[/URL]
- على التواليت حاطه التونيك والملك واللوشن اي لوشن تحبينه وقطن ومسكرا ؟
- اول شي اخذ الملك واوزعه على بشرتي عدل مدل وبعدين ابدي بتدليكه من داخل لين برى باطراف اصبعي لين احس بشرتي تشربت الملك واقدر اعيد التدليك مره ومرتين بس انا افضل مره وحده بس ؟
- اخذ لي كلينكس واصفطه وبعدين اطبطب على بشرتي بحركه خفيفه
- اخذ لي قطعه قطن واحط فيها تونك شوي وابدي امسحها على بشرتي بنفس الطريقه من داخل لين برى بكل الاتجاهات ؟
<< وهالطريقه تعلمتها من مركز الجوثن قبل
- اخذ اللوشن وابدي ادهن جسمي كله فيه عدل مدل رجلي وايدي ورقبتي وذراعي وصدري ؟
- وحق ( المنطقه الحساسه ) خلطه انما ايه تجنن تهبل تحوس اللي هي شوية كريم جلسويد الاحمر الثقيل + ملعقتين بودره جونسن اطفال + ليمونه وحده تخلطينهم مع بعض وحطي هالعلبه بالحمام بعد ماتجفيفين المنطقه حطيها على المنطقه وعلى فخذج والبسي شورت قطني ؟
- وللرموش اطول واحلى واجمل واااو ( اخذي نواة التمر واحمصيها لين تصير سوده وبعدين اطحنيها بمطحانه القهوه واشخليها واخليطيها مع خروع الطبي من الصيدليه على دينار ونص وحطيها بعلبه ماسكرا قديمه عندج )
- وبعدين نامي نوم العوافي واحلمي فيني هههههه
