منقووو]( الشموخ بعد الإنكساااااااااااار)
بين القلم وابيات شعر وتعابير
وهذرٍ تعدى حدود كل استماعي
كل يعصر عرق الابيات تعصير
بالصوت والصوره يسجل واذاعي
الشعر مابين الدول له وطوابير
وجيش مجهز باحدث الاختراعي
متكيف لبرد وحراره واعاصير
وعن احتمال السم يلبس قناعي
وانا لزوم امرر القاف تمرير
من الارض مايحتاج دعم اصطناعي
بشعر يفجر كل الاشعار تفجير
مخزون راس لادعى الشعر طاعي
ماقول شعري بهرجه للجماهير
مثل الذي خلف الطوايل يعاعي
أو شاعر يكتب غزل بالغنادير
باسلوب غنج وبه شويه مياعي
يشرح معاناته على غير تبرير
ويعدد سويعات عمره ضياعي
ولا00 هنوف ضيعتها الهوامير
قالوا نبي من موهبتك انتزاعي
ويوم جلست قدامهم قامت تزير
ياحليلها يا لوحت بالذراعي
تنصح بحكمه خدها والمناكير
وتشره على حلة حروب ونزاعي
بكير ياستي00 على الست بكيير
في مهزلتك يكون منك انتفاعي
يا خصر لا تستعرض بساحة الزير
ارحم نوعمة ريشتك بامتناعي
استنفرت من كل جحر الشواعير
وصارت تجارة شعر مثل الاواعي
من كل منتوج ودعايه وتشهير
بالحجم والقيراط يشرى ويباعي
والشعر له عندي مكانه وتقدير
ابا اكتبه لو ماله اياة داعي
وعن كل هذا اقطر الشعر تقطير
حتى يجي مسبوك سبك الخزاعي
واقول صرنا ياجماعه اساطير
عالم خياله ضوح برق وشعاعي
دنيا تجي عكس الخطط والتصاوير
ماتنحسب للعبقري والشجاعي
تغر من تغدق عليه الدنانير
يلعب بها لعب الورق بالصباعي
صافي عسلها وباد الماء من البير
تخفي وراه من الكدر سم افاعي
يطربك دق دفوفها والمزامير
وزهر وبساتين وأمل واندفاعي
تعطيك ثم تشقيك في حزة عصير
الله جعلها لكل خلقه متاعي
وعساك يالمعه بدايه لنا غير
وصدورهم تبقى لنا باتساعي
شموخ شاعر بعد كل التكاسير
بالمنتدى باشد معهم شراعي
ويارب ثبتني على منهج الخير
وابصر لي الحق بعيون وساعي
ويسر لي امر شكوكها والمعاسير
وزدني تقى فيها وكل انتفاعي
ويا الله يارب اكفني كل شرير
منقووووووووول
