دورات ناعمه الهاشمي

السلام عليكم بنات مين فيكم حضرت دوات ناعمه الهاشمي انا حضرت بعضها
والله انها اكثر من روعه g] ع
تنصح فيها امورنغفل عنها او اكثرنا يغفل عنها المهم اللي تبي بعض دوراتها انا حاضرة بس عالخاص رجاءا منعا للاحراج

ساضع جزءمن المحاضرة والباقي عالخاص لما فيه من عبارات جريئه والمنتدى يدخله الجميع من كل الفئات

السلام عليكم و رحمة الله و بركاته بنات منتداي الغالي

هذه دورة اسمها أسرار العشيقات ف
علشان تعم الفايدة علينا و عليكم .

و الله إني أحبكم و أحب لكم الخير مثل ما أحبه لنفسي و أشوف إنا احنا محتاجين حق مواضيع من هالنوع .

السلام عليكم ورحمة الله وبركاته

تحياتي لكـل بنات المنتـــــدى 00

دخلت دورة وكانت لمدة يوم واحد فقـط واسمها ( اسرار العشيقـات ) 00

بكتب كل اللي استفدته من هاذي الدوره 00 وأتمنى البنات يستفيدوا

الدوره تتحدث عن سبب تعلق الرجل بإمرأه اخرى غير زوجتـه وتكون هاذي المرأه ( عشيقتـه )

وعشيقتـه = حبيبــته

وياللأسـف يابنــــــــات ان اللي ألقت اللمحاظره تقول أن الكثير الكثير من العشيقـات هم في حقيـقة الأمر
متزوجـــــات
والبعض مطلقات وأرملات
والبعض بنات نـاس وجمعتهـا الصدفه مع زوجـك سواء كان في دوام او اي فرصـه ألتقوا فيهـاا

يعني مب شرط تكـون من بنـات ال...

علعموم يـابنات المحاظره فيها نوع من المواضيـع الجرئيه نوعـااا مـا ولكن مفيـده جدا جدا وخصـوصا في عصرنـــــا الحالي

انا بحط النقاط اللي ينقـال عنها مفاتيــــح الوصول لقلب الرجل 000 على لسان وحده محاظره دارسه في فرنسا ولها محاظرات وندوات كثيره 00000

وهالنقاط عباره عن 12 نقطـه بكتب عنها نقطه نقطه مع الشرح والايضاح وفي حال وجود مثال او قصـه بسردهاااااا لكم 000 لان القصص اللي قالتها من خلال العشيقات اللي يزورونها للعلاج انا قلت العشيقـــــــــات 000000

وتسمى عشيقـه لانها تحــــــب 00 وياللاسف انه احتمـّال يكون هذا اللي تحبــــه زوجـك

لانهــــــا على قولة المحاظره 00 تحبـه بكل ذره موجوده فيـه تهيـم فيه هيـبسرد لكم قصـه قالتها لنـا هذي المحاظره قبل اقول النقاط وقبل ابدا بشرحها 000

تقول ياطويلات العمـر 000

جتها امرأه متزوجه وكانت بالفعـل ( ملكة جمـال ) تقول جتني تشتكي من خيانة زوجهـا مع وحده تشتغل وياه في الدوام 000 وان هالمتزوجه انصدمت بخيانة زوجهـا لها ( لاتستعجلوا بالحكم على الزوج ) 00
المهم 0000000 تقول المحاظره
ان هاللي كانت وياه في الدوام قبيحـه بكل معنى الكلمه ومافيها ذرة جمـال 00 اعجبت بهذا الرجل وحبـته وحطوا تحت حبتـه مية خط

في البدايه حاولت تلفت انتباهه 00 ساعه تروح تقوله ابيكم تكلم لي فلان وساعه تقول له ممكن تشرحي هالنقطه المهم ماخلت عذر الى وسعت عشان توصل لهالرجــل 0000

كــــــل هذا وهي تعرف انه متـزوج 00 بس حبتــــــــه وتبي توصل له بأي طريقــــــــه

المهم

الرجل حسّ ان فيه شي مب طبيـعي 00 قالها يافلانه انا متزوج وأحب زوجتي 00 قالت مابي منك شي
بس ابيك تعطيني القليـل من وقتك اذا كنت متضايقه اكلـمك فيـه <0000 شفتوا دهاء ومكر الحريم عشان توصل لقلبـه بالهداوه

طبعا هو انحرج وما أبدى اي اعتراض

بعد فتره 00000

طلبت منه انها تقابله وقابلته 00 وماصار بينهم اي شي تطورت العلاقه لأن وصلت انه

افقدها عذريتهــااااااا

وهنيه ربطتـــــه

والقهر يابنـات انه راح وياها في الحرام ووقع في الزنـا 00 اثناء فترة نفاس زوجته في بيت اهلهــااا

وهي استغلت هالفرصـه زين 000000

هالقصــه من قصص كثيره بتقرونهــا في الموضوع قصص حقيقـــيه واقعيـه تحدث في بيـــوتناااااا
انا ماقوووول اننـا نتشبـه في العشيقــــــات 000 انـاااا بس بقولكم كيف قدروا يخطفوا ازواجكم

مستغلات نقاط ضعفكم الكثيررررره واللي تمارسونها بشكل يومي ويا ريلج وتخليـه يهجّ 000 ويلقى وياها راحــــــته اللي فقدها وياج

موضوع جرئ اعيـد وأكرر 00 وبيكون هناك تلميـحات وكل امرأه ومتزوجه وحتى مقبله على الزواج بتفهمـها بذكائها الفطــري..

انا قلت ( لاتستعجلي بالحكم على الزوج ) ليـــــــــــش ؟؟

تدرون ليش 00

لأن بعد فتره اكتشف الرجل ان زوجته تزور هالمركز للعلاج وللاستشارات الاسريه عشان تنقـذ بيت الزوجيـه من هالمرأه

تدرون شسوى ؟؟

ارسلهم فاكـــــــــــــس يقول فيه

زوجتي ماتريحني في ال00000 وهالمرأه ذقت وياها كل انواع الراحه لانها تستمتع وياي 00

تعيش وياي اللحظه بكل جوارحها 00 انا زوجتي اذا طلبتـهاااا لل 0000 تحـاول تمثـل عليّ انها تستمتع ونا رجـل وأفهم انه مجرد تمثيــــل في تمثيـــــــل

انا اذا زرت فلانه يقصد العشيقـه <------ وتقول المحاظره انه كتب هاذي دنيتي وحياتي كلهــــااا

كلام ماقدر اكتبه بس افهموها 000 انه يعرف بكل نظره في عيونها وبخطوتها وبلمستها له انها تبيـــــــــــــــــــــه

هههههههه اسفه ماقدرت اكتب الكلام اللي وضحتـه

بس يبيـن يابنات مدى تولع الرجـــــل بال 0000 ومهم جدا استجابة المرأه له ويشعر وياها انها ماتمثل انها فعلا عايشه وياه بمشاعرها وبعواطفها وناسيه كل شي في تلك اللحظــــه

يقول زوجتي ساعه تقولي يوووووه خلص بسرعه00 او تقول كل يوم اغسل شعري 00 او يحس انها شارده في تفكيرها ويوم ينتهي يسئلها ماكنتي وياي 00 تقوله كنت افكر بولدي كان تعبانه واحليله

انا ما ألتمـس العذر لهذا الزوج واللي مثله 00 ابدا

بالعكس يبيله قطع رقبه 00 بس هو لقى له عذر يبرر له خيانتــه وزوجته هي اللي عطته هالعذر

أكبر خطأ ترتكبونه بحق ازواجكم

عيشي وياها اللحظه بكل جوارحها واستمتعي بكل ثانيه فيه 00 خليه يحس انج انتي اللي ترغبين فيه مب بس هو اللي يرغــــب 00 لان هالشي يثيره جنسيا ويخليه يشعر بالراحه

تخيلوا يابنات ان الرجل عده طاقه جنسيه ضعف المرأه احنا نتكلم عن الرجل الطبيعي في رجل طاقته اكبر من المعدل الطبيعي تخيلوا 0000

الزمـن تغير يابنـات وحريم 00 وانتوا مجبريــــن تغيرون اسلوبكم مب عشان ريلج وبس عشانج انتي بــــــــــــــــــعـــــ ـــــ ــــــــد

بنات ببـدأ بكتـابة النقاط ال12 وبكتبهـا نقطه نقطه ويا الشـرح والتوضيح 000

(1)
العشيـقه تؤسس علاقـه لتسعـد فيها فقطـ فتنتقي كل تفاصيلهـا بدقـه 0

شلون ؟

الشـرح 00

انتي وغيرج من المتزوجات أو حتى المخطوبات والمقبلات على الزواج 00

قبل الارتباط كانت حياتنا وأوقاتنـا 00
نقضيها 0000000000000 ويا الأهل ويا الصديقات ويا ممارسة الهوايات بالاهتمام بنفسي بشخصيتي بتطويرها بقرائة الكتب وغيره وغيره 00 كنا نقضي أوقات طويله لأنفسنا ونشعر بالسعاده فهاللحظات اللي نقضيها ويا اهلنا وخواتنا وصديقاتنا ويا هواياتنا اللي نمارسها ويا دراستنا ويا كل شي نحبــــــــه ونستمتع فيه 00
بعد الزواج 000000000 والكثير منكم للأسف

تعطي زوجها كل وقتهـــااااا 000 وحتى البعض تهمل بظهرها وبنفسها بمجرد انها شاغله تفكيرها بوين راح وويا منو جالس وياترا شو يسوي الحين وحتى تلقينها يالسه ويا أطفالها تدق عليه

وينك ؟؟

ياحريم ويابنات ترا الضغط يولد إنفجــــــــار

وحتى حبـج الزايد له واهتمامج المبالغ فيه ودلعج لـه يعتبر أحد انواع الضغطـ اللي يولد انفجار ومن ثم يؤدي الى مرحلة الطفـش ومن ثم الهـروب

العشيقــــه هو اللي يدلعـهااااا 000 صحيح انها تدللـه بس بأشياء معينـه تلقى هي فيها متعتهـااااا 00
بس تجبره انه هو اللي يدلعها ويهتم فيهـااا والبعض منهم ياخواتي يكتب اللي وراه واللي قدامه عشـانها

ماسئلتوا نفسكم لـيش ؟؟

المطلوب من كل وحده من خلال الفكره السـابقه ( 1 ) يعني اللي نبي نوصلـه 00

إنج لاتتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعـه فيـــه بمجرد اني تزوجت لا000 ممكن انج تخففيــن بس انج تلغيـن هلأشيـاء اكبر خطـأ ترتكبيـنه في حق نفسـج

حاولي تخلقيـن معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعميـن جلدج عشانه 00000 لأ لأ
سوي هالتنظيف عشان تشعري انتي بالاسترخاء عشان تشوفين ويهج في المرايه ونتي واثقه بنفسج تحسين انج يالسه ترفهين عن نفسج

بتقولين ماعندي وقت ؟؟

ياخواتي لو تدرون انتوا كم تضيعون اوقاتكم في التلفونات ومشاهدة التلفزيون بتنجنون

ماظن ان ماعندج وقت ولو مره في الشهر للترفيه عن نفسج يعني 12 مره في السنه معقووووووووووووووووول ماعندج

واذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم 0000 بتحسين انج سويتي شي لنفسج

( يعني بصحيح العباره : مايكون الزوج هو أكبر همي وإنشغالي )

واللي تهمـّـل ذاتهـا يا إخواتي مستحيــــــل تقنـع زوجهـا بذاتهـــااا وبوجودهـــااا 000

إمليئ حياتج واشغليــهااا بكل مايعود بالفائـده لج انتي لج انتي لج انتي وحطوا تحتهـا مية خطـ
يابنـات حاولي انج ماتكوني على طبيعتج قدام ريـلج 00 عشان مايعتبرج واحد من الربع

ترا العشيقه ماعمرها كانت على طبيعتهـا قدامـه 0000 مستحيـــــــــل

حسي من داخلج انه هالريال غريب عنـج بتقولين صعـب 000 وليش أرهق نفسي ؟؟

يمكن في البدايه صعب بس بتتعودين عليـه 00 لأنج متى ماطيحتي الميانه بينج وبيـنه شلتي كل الحواجز والحدود المفروض تكون موجوده في نطاق وإطار عش الزوجيـــــه

بقولكم مثال بسيـــط وشوفوا الفرق بين إمرأتين متزوجتيـن يعني ولا وحده فيهم عشيقــه

الزوجه الأولى : مطيحه الميانه ويا ريلها بقوه
أول مادق عليها : هاااااا جبت الملابس من اللاندري 00 هات بطريقك حفاظات للياهل ترا ماعنده وبصوت كله خشونه وحدّه وارتفاع 000

أول مايدخل البيت ( نفس الزوجه ) 00 ها يبت الاغراض ولا نسيتها مثل كل مره 00 واللبس اللي عليها هو يوم طلع كانت لابسته ويوم رجع البيت بعد لابسـته ( الرجل تهمه التفاصيـل )

طلع من الحمام واقفه وراه راح يجلس يتفرج على التلفزيون راحت وجلست وياه ياربيــــــــه وين اشرد من هالحرمــه

إتركيـه هو اللي يناديـج 000

الزوجه الثانيه 00 يدق عليها هلا روحي هااا شسويت اليوم في الدوام ( شفتوا الاهتمام ) عسا ماتعبوك يابعد روحي 00 يعل التعب في قلب عدوينـك قبل لاتقفل السماعه 00 ممكن حبيبي هات لنا وياك ( قالت ممكن 00 وهات لنا ) ركزوا على العبارات ؟؟

أول مايدخل البـيت 00 الابتسامه ( ولاحظوا يابنات انكم تكسبون أجر باللي تسوونه ) والابتسامه تبعث قي نفسه ونفسج البهجه والرضـاا 00
لابسه لبس مختلف عن اللبس اللي شافها فيه يوم طلـع وحتى لون الروج متغيـر 00
ابعدي نفسج عنه وبتشوفينه هو اللي ينساق لج بكل عواطفه 000

والانسـان بغض النظر كان رجل او إمرأه بنت او ولد شايب ولا شاب يحبون الشخص المتفائـل المبتسـم

ونتي يوم تلبسين وتبتسمين وتتعطرين وتتدخنين كله عشانج انتي يابنت النـاس مب عشانه هو اتفقنـــــاااااااا

تخيلوا واحد من المتزوجين يحكي للباحثه عن عشيقتـه يقول حتى الأندر وير ينقط دهن عود ؟؟

وجسمها خالي تماما من الشعر ( شفتوا التركيز بالتفاصيل اللي تغفلونها )الخيانه اصبحت مرض متفشي 000 ؟؟ ونا وياج بهالنقطه للأسف اصبحت شي متفشي وبعنـف

ونا حالي حـال غيري 00 ومتزوجه 000 مملجه

وأبي أحافظ على زوجي 00 وأحافظ على بـيتي 00 وأبعد عن كل السلبيـات اللي ممكن تأثر عليّ انا شخصيــااا 000

انا قلت قولي كلام حلو نابع من مشاعرج انتي مب مجرد تمثيل والله انا سويت وعملت وماباقي شي الى وسويته 0000000 قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مب مقرب ابد

انا قلـت حبيـه واعشقي كل ذره فيه 00 وهو يمشي قدامج تأمليــه اكيد هلانسان اللي هو ريلج فيه ميــــــــــــزه 0000000

كوني صادقه وياه بمشاعرج 00 مب تكون مشاعرج وعباراتج وسيلة ضغط لأ 000

واتركي سالفة الخيانه الزوجيه وسالفة العبارات الرومانسيه وغيرها 000

احنا نتكلم عنج انتي شخصيـــــااا 00 ركزي بنفسج وتطويرها واستعيدي علاقاتج بربيعاتج واهلج ومارسي هواياتج واهتمامج بنفسج 000 وقوي من ذاتج وشخصيتج عشان تكونين شخصيه مستقله مب تابـعه للزوج فقط 0000000

كوني شخصيه متفائـله مبتسمــه 00تثير البهجه

اتمنى انكم فهمتوني لاني مب يالسه اقنعكم انكم تقولون كلام حلو

ركزوا بالعبارات والنقاط زين النقطه رقم ( 2 ) تدرون شو الفرق بين العشيقـه والزوجــه 000

الزوجـه : تجعلـه أهم شي في حياتهــااا <0000 الخطأ بعيــنه

العشيقــه : تضيفــه لحياتهــااا 000 يعني يعتبر شيء إضافي لا أكثر 000

والخطأ الفادح اللي تقع فيه أغلب المتزوجات وخصوصا في بداية حياتها الزوجيـه انها تقول لزوجها على سبيــل المثــال

- والله يافلان ترا انا كنت مضطهده في بيتنــا وأبيك تعوضني عن كل اللي انحرمت منــه 00

- يافلان انا أخوي كان يصفعني ويطقني لين كرهت كل الرياييل أتمنى انك تفكني من هالعقده اللي سببها لي أخوي 000

- يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك

تظـل تقــلل من قيمتهــا بهالكلام وتقلل من قيمة أهلــها 00

في البدايه بيعطيهــا حنان يمكن شهر يمكن شهرين يمكن 3 واحمدي ربـج بعد 00 بس بعديــن ؟؟

وعلى لســان المحاظره بالحـرف الواحد 000 بيكون هو أول من يدوس عليـــج

ماراح يحس ان وراج ظهر 00 ومابيحس ان لج قيمــه أصلا طول ماانتي محتاجه له وتظهرين له مدى حاجتـج لوجوده في حياتج 000 فهمتوني ؟؟

طيب شو المفروض اقوله وشو المفروض أسويه 000 ولو كان مجرد كلام بس على سبيل تقوية فروعي 00

- تدري يافلان مره اخوي بالغلط يت ايده على ظهري بقوه وجلس طول اليوم يعتذر مني 00

- والله ابوي مامثله ريال عمري ماطلبت شي الى ووفره لي وعمره ماحرمني من شي ياليت كل الأباء والامهات مثل ابوي وامي 00

- تخيـل مره من المرات ربيعتي في المدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مب قادره ترفع راسهااا

واللبيــب بالإِشاره يفهم 00 واكيد راح يفهم ان وراج ظهر وسند وعزوة حاولي تقوين من نفسج ومن ذاتج ومن شخصيتج وعلاقتج بأهلج بصديقاتج بكل من حولج 000

راح يفكر مليون مـره قبل حتى يمـّسج بكلمــه ممكن إنها تجرحج 00النقطه رقم ( 3 ) وهالنقطه وايد مهمه اخواتي

العشيقه : تحبه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير

لزوجه : تنشغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها

شلون ؟

اذا كان الزوج تنقصه الشهاده الجامعيه على سبيل المثال تجلس تلّح عليه بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط اللي يولد للهروب

وماتتخيلون يابنات كم ان الرجل لايحب الطبع اللحوح ولا يحب ان يشعر بأنكي تفرضين عليه شيئا وخصوصا اذا كان هذا الشي هو غير مقتنع فيه تماما

يعني اتركيه على راحته وتقبليه كما هو واذا أردتي ان تطوري من شخصية زوجكي عليكي القيام بذلك بطريقة صحيحه وغير مباشره ولايشعر بأنك تضغطين عليه بها

ومتى ماضغطتي عليه عليج وعلى أرائج ومقترحاتج السلام وحتى وان قلتي انا عشان مصلحته

بحكيلكم قصه قالتها المحاظره والمحاظره اسمها ناعمه الهاشمي 00

قالت واحد متزوج هو وزوجته في السياره 000 وكانوا رايحين عرس في منطقه بعيده عن المنطقه اللي هم ساكنين فيها مسافة ساعتين تقريبا 00

وصلوا للمنطقه 000 وظلوا يدورون البيت 00

راحت الزوجته قالت له : يابن الحلال لاتفرفر فينا وتصدع براسنا شوف لك تاكسي وقوله الشارع وهو بيدلك 00000 أهاااااااااا

غضب الزوج غضبا شديدا وتخيلوا انه رجعها لبيتهم وقالها والله مافي روحه هالعرس 00 شفتوا الاسلوب الخاطئ في اختيار العبارات كيف يؤدي الى توليد مشاعر الضغينه والحقد بين الزوجين الى ان تصل الى الكراهيه للأســـــــف

الزوجه تقول 00 والله ماكنت أقصـد بس انا ماكنت أبي اتعبــه 00 طيب ( الأجدر بها انها تستخدم اسلوب يوضح حرصها عليه وعلى تعبـه وليس بصيغة أمر أو صيغه تنقص من قدره أمامج

ومن خلال كلام المحاظره يااخواتي ان كمية كبيره من العشيقات يروحون يحضرون محاظرات فقطـ لكي تعزز من علاقتها بعشيقها وكيف تكسبـه بأسلوبها وشطارتهــاا

عضوجديد نقاط التقييم : 0 نقاط : 0

انا ماجربتها بس سمعت فيها اذا ممكن ترسليلي ملخص دوراتها واكون لك شاكره ولك دعوه وجزاك الله خير

هلا وغلا اختي
ابشري والله بارسلها لك على رساله خاصة

تكفين انا بعد ودي ترسلين لي عالخاص
بس سؤال ايش اكثر شي شدك في دوراتها

نسرين كتب:: تكفين انا بعد ودي ترسلين لي عالخاص
بس سؤال ايش اكثر شي شدك في دوراتها

اللي اعرفه عنها انها استشارية امور زوجية وحياتية ، يعني اللي عندها مشاكل مع زوجها او تحس انه يخونها ...الخ
تروح لها ، عاد هي طرقها جديدة مثل انها من خلال الصورة اللي تقدمها الزوجه تقدر تحلل شخصية الزوج وتساعد الزوجة انها تحسن من حياتها
في افكار و طرق لكل نوع من الازواج سواء مع عشيقة او زوجة اخرى

والله وحده من بنات الدوام تمدحها وكانت اول مره اسمع عنها بس حسافه ما قدرت اروح لها

بلييييييز قولنا شنو استفدتوا منها؟؟؟
حتي لو علي الخاص

وانا بعد ممكن ترسلين لي عالخاص
واذا ممكن موجز بسيط شوقتينا

انا معهم بلييييييييييز عالخاص حبوبه

عضو فعال نقاط التقييم : 0 نقاط : 0

انا انتظرك عالخاص
اختي شوقتينا حطي لو شوي هنا ارجوكي

وانا ماعندي مشاركات شالحل؟ظالرسايل ماتفتح

الرسايل ماتعمل عندي ليييييييييييييه احد يعلمني ودي ضروري ترسلين لي عالخاص

*سر التأمل * كتب:: انا ماجربتها بس سمعت فيها اذا ممكن ترسليلي ملخص دوراتها واكون لك شاكره ولك دعوه وجزاك الله خير

حبيبتي الرسايل عندك ماتعمل اتصلي بالادارة وشوفي شالسالفة وابشري من عيوني

سبيس تون كتب:: والله وحده من بنات الدوام تمدحها وكانت اول مره اسمع عنها بس حسافه ما قدرت اروح لها

بلييييييز قولنا شنو استفدتوا منها؟؟؟
حتي لو علي الخاص

من عيووووووني

نسرين كتب:: تكفين انا بعد ودي ترسلين لي عالخاص
بس سؤال ايش اكثر شي شدك في دوراتها

ابشري
اما اكثر شي هو ان كلامها مقنع ميه في الميه وتحسين اننا مانعرف شي في التعامل مع ازواجنا صراحه مااقدر اوصف لك شلون هي دوراتها

عضوجديد نقاط التقييم : 0 نقاط : 0

اعطاني ان المدير منع الرساءل الخاصه لييييييييش وكيف اتصل فيهم الله يوفقك علميني ماعرف

عضوجديد نقاط التقييم : 0 نقاط : 0

إن المدير العام منع استخدام الرسائل الخاصة في هذا المنتدى
هذا اللي مكتوب عند الرسائل

[quote="سبيس تون"]والله وحده من بنات الدوام تمدحها وكانت اول مره اسمع عنها بس حسافه ما قدرت اروح لها

بلييييييز قولنا شنو استفدتوا منها؟؟؟
حتي لو علي الخاص

بصراحه دوراتها راااائعه جدا جدا جدا و شيء فوق الوصف

الدورة الاولى حوار الكناري كان الجمهور غفير في الصاله و كان هناك حشود كبيرة ايضا في الممر المحاذي لصاله ينتظرون فرصه الايذان لهن بالدخول .. لأن العدد اكتمل
وما قصروا الشركة المنظمة زادت أعداد المقاعد حوالي 100 مقعد لاستقبال الطلبات الزائده

بدت الاستاذة ناعمة متعبه قليلا وفاقده لحيوياتها لأنها تعاني من التهاب و نزيف في الاذن الوسطى
مع هذا قاومت الألم و استمرت بطرح روائعها لعيون الجمهور
كنا نتوقع ان الدورة تعطينا الكلمات التي يفضل سمعها الرجل .. لكن اكتشفنا ان الصمت هو أفضل وسيلة لجعل الرجل ينطق و يخرج من دائرة الصمت
ايضا شرحت لنا الاستاذة تركيبه مخ الرجل و طريقة تفكيرة
ايضا الحركات التي ممكن ان تعملها المرأة لتجعل الرجل يتشوق لمعاشرة زوجته
وهناك الكثير من الأمور لا أذكرها بالتفصيل ولا اود حرق المادة على الخوات اللاتي لم يحضرن الدورة
لأن الكلام بلسان ناعمة أجمل و معبر اكثر

الدورة الثانية سري جدا .. لم اتوقع زياده أعداد الجمهور بهذا الشكل
زاد عدد الجمهور الدبلات عن الدورة الأولى حتى تغطت الصالة بأكمها بالمشاركات
الدورة تتحدث عن طريقه اغواء الزوج و ماذا يحب وقت الجماع و ماذا ينفره من زوجته ... الخ
هناك كلمات مختلفه تقال عند لمس كل موضع في جسم الرجل
ايضا ذكرت الاستاذة كيف تعتني المرأة بأعضائها الحميمة .. و كيف تسعد زوجها و تسعده

الدورة الثالثه سري جدا تتحدث عن أنواع النساء التي قد يصادفهم زوجك في حياته و كيف تحافظين على زوجك و تتخلصين من هؤلاء النسوة

*سر التأمل * كتب:: إن المدير العام منع استخدام الرسائل الخاصة في هذا المنتدى
هذا اللي مكتوب عند الرسائل

روحي لقسم الزوار او الاقتراحات واكتبي
وانا باسال القسم

اخت سر الامل
عسى انحلت المشكلة
بحاول ارسل لك الان

اخت سر التامل ارسلت لك عساها وصلت

عضوجديد نقاط التقييم : 0 نقاط : 0

ايوه وصلت الله يجزاك خير بس اذا ممكن تقوليلي
الحركات التي ممكن ان تعملها المرأة لتجعل الرجل يتشوق لمعاشرة زوجته
عن أنواع النساء التي قد يصادفهم زوجك في حياته و كيف تحافظين على زوجك و تتخلصين من هؤلاء النسوة
والله يوفقك وييعطيك حتى ترضي ويحفظك من كل سوء ويجعلك من اهل الجنه قولي آمييييييييين

ممكن عالخاص

لو سمحتي انتظرك عالخااص

حتى انا سمعت عنها بس ممكن عالخاص

تكفين اختي انتظر منك عالخاص مثل البنات

» دورات ناعمه الهاشمي
» تكمله دورات ناعمه الهاشمي
» تكمل دورات ناعمه الهاشمي
» من دورات ناعمه
» من دورات ناعمه